KKÍ og Errea gera nýjan samning
KKÍ og Errea hafa endurnýjað og gert nýjan samning til næstu fjögurra ára, en landslið KKÍ hafa klæðst Errea fatnaði frá 2014 og munu gera það áfram út árið 2022.
Mikil ánægja er meðal samningsaðila með nýja samninginn og hefur samstarf KKÍ og Errea reynst farsælt.
Errea sér landsliðum KKÍ fyrir keppnisfatnaði, æfingafatnaði og ferðafatnaði fyrir verkefni landsliðana að venju.
Það voru þeir Hannes S. Jónsson, formaður KKÍ og Þorvaldur Ólafsson, framkvæmdastjóri Errea á Íslandi sem undirrituðu samninginn á dögunum.
Errea er til húsa í Bæjarlind 14-16 í Kópavogi og þar fást meðal annars KKÍ/Íslands vörur ásamt ýmsum öðrum íþróttafatnaði.
Félög geta fengið nánari upplýsingar um heildarlausnir í keppnis og æfingafatnaði hjá okkur í Errea, en nokkur lið eru nú þegar hjá okkur með sínar körfuknattleiksdeildir þar sem mikill kostur er að í boði er fá heildarlausnir fyrir alla deildina, hvort sem er innan eða utan vallar fyrir alla körfuknattleiksiðkendur, unga sem aldna.